مشاهد من مسرحية انتخابات مجلس النواب 2020 في دائرة البساتين ودار السلام
1
عضو المجلس عن دار السلام والبساتين علي عبدالونيس، حدد سعر الصوت بـ 200 جنيه يوم الجمعة
المرشح حشمت ابو حجر عن مستقبل وطن واحد فلول الحزب الوطني، حب يعلي السعر وحدد 250
2
يوم السبت اول ايام الانتخابات، علي عبدالونيس نزل بالسعر لـ 100 جنيه للصوت
ابو حجر هو كمان نزل بالسعر لـ 150
3
ابو حجر كان متحالف مع محمد تيسير مطر ابن تيسير مطر عضو مجلس الشروخ (الشيوخ سابقا)، وبيقول للناخبين يصوتوا له ولابن تيسير مطر (قايمة) وخالد طنطاوي (مستقبل وطن)
علي عبدالونيس كان رقمه 38، الاطيشه كانوا بيقولوا للناخبين صوتوا ل 38 و39 و40
ده اللي شوفته اول يوم.. معرفش حصل ايه تاني يوم
4
اثناء مروري على الاطيش ابو حجر، لفت انتباهي سيدة كبيرة في السن كانت تقول بكل حسرة وهي تبحث عن واحد من الأطيش المرشح لتسلمه بطاقة الرقم القومي الخاصة بها: "يلعن ابو الزمن اللي ذلنا لولاد الحرام".
5
في وكر تجميع البطاقات تابع لأبو حجر برضه، في شارع فرج يوسف، ست تانية راحت لمسئولي الوكر، وكانت مصدومة ان السعر نزل من 250 لـ 150، واحد من الاطيش ابو حجر قالها ياما ده سعرنا لو مش عاجبك وفي حد تاني هيديك اكتر روحي له على طول، احنا مش هنكره لك الخير زي ما انتي بتسترزقي احنا كمان بنسترزق
6
اخر حاجة عرفتها ان حشمت ابو حجر وخالد طنطاوي بتوع مستعرص وطن نجحوا
والاعادة بين علي عبونيس اللي محدش شافه طوال 4 سنين، واكمل خرطام اللي محدش شافه كمان، وسبق وأكل حقوق العاملين والصحفيين في جريدة التحرير
وخالد عبعزيز النائب في مجلس 2016 اخد صابونة، وغالبا علي عبد الونيس هيحصله..