بائعة البرجر الغلبانه فى مؤتمر الشباب طلعت ممثلة
ياسمين رحيم بتاعة عربية البرجر هي ممثلة سينما واعلانات مش مجرد فتاة بسيطة كما صورها الاعلام في التمثيلية اللي عملوها لتلميع السيسي ..
ياسمين رحيم عملت عدة اعلانات أشهرها
- دورها في اعلان شركة اتصالات اللي ظهرت فيه كموظفة خدمة عملاء وجملتها الشهيرة " ده احنا هنعمل لولولولولولي فرح " ..
- عملت اعلان موبينيل كانت بتقول فيه " اجري يا مجدي " ..
-عملت اعلان عصير فروتي ...
وفي السينما والدراما
-مثلت مع محمد هنيدي في " مسلسليكو " ..
-مثلت في فيلم " رامي الاعتصامي "
-دور صغير في فيلم " طير انت " ..
-فيلم " حلم عزيز " مع أحمد عز ..
-فيلم " 30 فبراير " ..
-مسلسل " سر علني " ..
-فيلم " جيم أوفر " ..
هي دي ياسمين رحيم اللي قدمها لنا الاعلام انها بنت بسيطة غلبانة عملت عربية برجر بدل البطالة والبلدية شالتها لكن السيسي الطيب الحنون تدخل ووقف جنبها ..
تقريبا المسئول عن أفكار تلميع السيسي كان بيتفرج على فيلم " طباخ الريس " وشاف المشهد اللي جابوا فيه لرئيس الجمهورية ( خالد زكي في الفيلم ) اثنين كومبارسات سينما عملوا دور زوج وزوجة من الفلاحين يستقبلوه .. مسعدة وجوزها .. و
قرر مسئول تلميع السيسي يعمل نفس السيناريو .. بمنطق ماجد الكدواني ومساعده في فيلم " لا تراجع ولا استسلام " بتاع حزلقوم : " بس الفكرة دي اتهرست في ثلاثمائة فيلم عربي قبل كده .. علشان كده مافيش حد هيتخيل اننا هنعملها تانى " .
فاكرين الواد بتاع الفريسكا 😂😂😂