- الفلوس دي كده حلال؟
= أيوه. بتسأل ليه؟
- علشان مطلعش ميتين أهلي علشان أكسبها.
= لأ عادي بتحصل. هو أصلاً المفروض مايطلعش ميتين أهل أي حد ولا يتذل علشان يكون معاه فلوس تمكنه من إنه يحصل على حاجاته البشرية الأساسية ويعيش بشكل إنساني.
اللي مش عادي هو إن شخص يكسب في يوم واحد 58 مليون دولار (يعني 900 مليون جنيه مصري)، وفي خلال سنة تزيد ثروته من 5 مليار دولار لـ 8.5 مليار دولار (يعني في سنة واحدة يكسب 50 ألف مليون جنيه مصري). علشان حفنة صغيرة من البشر يكسبوا بالشكل ده، لازم الأغلبية العظمى من البشر حياتهم كلها تبقى عناء وشقاء مستمر للحصول على أقل القليل.
اقرأ أيضا: قصيدة: لست مهزوما ما دمت تقاوم.. إلى الثوار المرابطين في القدس وسائر فلسطين
فلوس أي ملياردير بيتم جمعها من الناس الجعانين بشكل أو بآخر، وكلما زاد عدد الناس الجعانين كلما زادت ثروة الملياردير، لأنها بيتم امتصاصها من دمائهم. عاوز تتأكد من صحة الكلام ده خد أي ملياردير في العالم، وجرده من الأموال اللي معاه، وخليه يبدأ من الصفر على جزيرة مهجورة، مافيهاش ناس، وروح شوفه بعد 10 سنين مثلاً هيبقى معاه كام دولار؟.