ننشر تفاصيل قرصنة موقع المصري اليوم..مقال غادة الشريف المدسوس والتسجيل الصوتي الحقيقي لحازم عبدالعظيم
التسجيل الصوتي لحازم عبدالعظيم والصحفي بموقع مصر العربية أحمد بشارة يتحدث فيه عن جبهة ممدوح حمزة وعن ترشح خالد علي وشفيق للرئاسة
حازم عبدالعظيم : المكالمة لم تكن مع أحمد بشارة لإنه ترك الموقع.. واللي حصل تنصت مفضوح والموضوع خايب والتسريب خايب والجهاز اللي سربه خايب
الصحفي أحمد بشارة : تركت موقع مصر العربية منذ أغسطس 2016 وما أعرفش حاجة عن المكالمة
بيان للمصري اليوم يوضح بعضا من تفاصيل ما جرى : تم نشر مواد مفبركة ومكذوبة على الصفحة الرئيسية للموقع الإلكتروني وبعض أقسامه الداخلية ورغم حذف المقال المفبرك، استمرت محاولات الاختراق لإدخال محتوى آخر مزيف
أولا : نص مقال غادة الشريف الذي تسبب في الأزمة وقالت الجريدة إنه مفبرك
غاده الشريف تكتب هتخرب اكتر من كده ايه !!
شفت بقى يا حمادة هتخربها اكتر من كده ايه ... بالذمه هي المشرحه ناقصه قتله ..تعليم وخربته صحه ومفيش جنسيه وعايز تاخدها بنزين وغليته ومعارضه ضيعتها وفلوس من الناس الاغنياء عمال تاخد منهم زي ما يجيبك مزاج شويه تشيل الدعم وشويه تغلي الاسعار ده انت لو كافر يا اخي مش هتعمل كده هيتشووا بيها فى نار جهنم لكنهم يستهينون !. ويحسبونه هينا وهو عند الله عظيم!
شفت بقى يا حمادة هتخربها اكتر من كده ايه ... بالذمه هي المشرحه ناقصه قتله ..تعليم وخربته صحه ومفيش جنسيه وعايز تاخدها بنزين وغليته ومعارضه ضيعتها وفلوس من الناس الاغنياء عمال تاخد منهم زي ما يجيبك مزاج شويه تشيل الدعم وشويه تغلي الاسعار ده انت لو كافر يا اخي مش هتعمل كده هيتشووا بيها فى نار جهنم لكنهم يستهينون !. ويحسبونه هينا وهو عند الله عظيم!
انا حزينه من كل قلبي مفيش حاجه توحد ربنا يا حماده عايز تسيبها في حالها كانك حالف كل حاجه لازم تخربها وتقعد على تلها بالذمه دي يرضي مين ... صديق صحفي مخلص حكالي حكايه خليت عنيا تدمع على حال البلد اللي وصلناله بسببك انت يا حماده الصديق المخلص سمعني مكالمه ليه مع الناشط السياسي حازم عبد العظيم وهو بيشتكيله من جبهة ممدوح حمزه والخناقات اللي فيها على مين يقود ومين يبقى الواجهه بتاعتهم بعد اجتماع يوم الاربع وبيقلوا كمان الناس دي زي الكهنه مفكره كلامها منزل مبتحبش اللي يعارضها واللي يخالفها في الراي بتزيحه من طريقها والصحفي حزن هو كمان على حال المعارضه بتاعتنا اللي كنا حطين عليها الامل الاخير مشكلة كبيرة يا حمادة وقعنا فيها انهم اصحاب مبدأ إمساك العصا من المنتصف أو حل المشاكل بكلمتين هو ده بالنسبالهم الذكاء السياسى، فهذا فى رأيى هو الغباء الشفتشى الذى يخدع صاحبه فلا يرى عواقبه الوخيمة إلا عندما يحتاج للآخرين فلا يجدهم جراء مواقفه المتخاذلة معهم..
يا حماده مبقاش فيها اي حاجه حلوه يا حماده كل حاجه بعمايلك خربتها انا كنت فاكره ان فيه قلة قليلة من السياسيين أمناء حذروا من هذا الأمر من اتباع سياسه منتصف العصا والجري وراء المناصب والكراسي والمصالح الشخصيه دول بقوا زيك يا حماده كلهم كلا يبكي على ليلاه واللي بيضيع في الاخر البلد هتخربوها اكتر من كده ايه ... والله العظيم حاجه تحزن البلد خلاص خربت هو مفيش امل يأما نبقى دولة سلفية وكداهوان، ياما نلعب بمدة الرئاسة ونضيع المعارضه بتاعتنا عشان نرضى بالامر الواقع يا حماده !!
طب تصدق بالله يا حمادة؟.. والله العظيم، ثلاثة بالله العظيم، خمستاشر بالله العظيم انت ممكن تغزو العالم يا حمادة وتبقى سيد سيده وتبقى دوله محترمه بمؤسسات ومعارضه محترمة بس نقول ايه انت عامل زي الغراب مبتجيبش معاك غير الفقر والخراب .. كفايا بقى
عارف يا حماده لو عندك نيه تصلحها متحاولش الموضوع اصله صعب وبقى مستحيل بشكل متتخيلوش ده مطلوب حكومة جادة وإرادة سياسية ومعارضه تقف في وش التخين ومتجيبش ورا لذلك يا حمادة انظر حولك وفكر و خليك سهل وحِرك ناوى تخربها اكتر ولا هتقف على كده .
نخشى الوقوع اكتر من كده نرجع لوقت الاخوان بس يا خساره الاخوان معرفوش يخربوها زيك ملحقوش يا حماده وكان عندنا معارضه بيضرب بيها المثل مكنتش بتتخانق ولا بتشتم بعضها ولا بتسجل لبعض في التليفونات مكنش عندنا معارضه بتمثل المعارضه عشان اهوائها ومصالحها الشخصيه ولا طمعانه ان جهاز سيادي يحن عليها ويكلمها ويحتويها بالذمه ده كلام يوحد ربنا يا حماده ..
الوضع الحالي اللي انت السبب فيه هيودي البلد كله للهاوية اصل بالغباوة دي انت لو قاصد ان يتم إسقاط الدولةوالله ما هتعمل كده يا حماده الاعلام بقى صوت واحد البرلمان ملكك تحركه كما تشاء معارضه مش فالحه غير انها تعارض بعضها وتكسر في نفسها
ثانيا : التسجيل الصوتي الذي تم نشره على موقع المصري اليوم في نهاية مقال غادة الشريف المفبرك وقيل أنها مكالمة بين حازم عبدالعظيم والصحفي أحمد بشارة بموقع مصر العربية يتحدث فيه عبدالعظيم عن جبهة ممدوح حمزة وعن ترشح خالد علي وشفيق للرئاسة
للاستماع إلى التسجيل الصوتي ( 7 دقائق ) من خلال الرابط التالي كما تم نشره في موقع المصري اليوم.
في الثالثة فجر الثلاثاء، نشر موقع صدى البلد الإخباري تفريغا للتسجيل الصوتي بين حازم عبدالعظيم والصحفي
رابط خبر صدى البلد : http://www.elbalad.news/2997697
ثالثا : بعد نشر المقال المنسوب لغادة الشريف صدر بيان المصري اليوم على حسابها بموقع فيس بوك أكدت فيه تعرض موقعها للقرصنة دون أن تحدد ما هي المادة التي تم نشرها وصدر بيان بعدها بمدة بسيطة ثم صدر بيان أكثر تفصيلا
نص البيان
نص البيان
بيان «المصري اليوم» بشأن اختراق موقعها الإلكتروني
http://www.almasryalyoum.com/news/details/1209413
http://www.almasryalyoum.com/news/details/1209413
رابعا : حاولت الاتصال بالدكتورة غادة الشريف لكني لم أتمكن من الوصول اليها فكان الهاتف مغلقا لكنها أيضا لم تشر على صفحتها على السوشيال ميديا إلى المقال مطلقا كما جرت عادتها، كما أن النسخة الورقية للجريدة لم تشمل مقالا بهذا الشكل أو المضمون أو العنوان كما جاء بالبيان الخاص بالمصري اليوم أن : المفبرك المنسوب، والذي لم تنشره من الأساس سواء في النسخة الورقية أو الموقع الإلكتروني.
النسخة الورقية من عدد اليوم بها مقال لغادة الشريف مختلف تماما بعنوان يا عيني.. يا عيني ع الولا لكن الطريقة التي تم بها نشر المقال المفبرك تم فيها استخدام نفس أسلوب غادة الشريف في الكتابة وشخصية حمادة الشهيرة التي تخاطبها في معظم المقالات.
خامسا : اتصلت بالدكتور حازم عبدالعظيم، أكد لي أن المكالمة حقيقية فعلا ولكنها ليست مع الصحفي أحمد بشارة، الذي ترك موقع مصر العربية أًصلا منذ فترة، ولكن المكالمة كانت مع صحفي آخر.
وقلل عبدالعظيم من أهمية التسجيل، وقال: الموضوع خايب والتسريب خايب ومفيهوش حاجة وجهاز خايب اللي سربه.. واللي حصل تنصت مفضوح.. وهم قالوا اسم الصحفي أحمد بشارة بالغلط لإن التليفون كان لفترة طويلة يستخدمه باسمه في الاتصال بالمصادر قبل أن يترك الموقع.
وأضاف أنه جرى اتصال بينه وبين الكاتب الصحفي عادل صبري رئيس تحرير الموقع بسبب الضجة المثارة والتسجيل وأضاف : أثق في الصحفي ورئيس التحرير تماماً.
وقال عبدالعظيم إن اتصالا دار بينه وبين الدكتورة غادة الشريف ونفت علاقتها بالمقال أو التسجيل وأضاف : إن الهدف من التسجيل قد يكون إحداث وقيعة بينه وبين جبهة ممدوح حمزة من جهة وغادة الشريف من جهة أخرى وهي التي تنشر مقالات معارضة الفترة الأخيرة دفعت بعض الصحف لشن هجوم عليهما معا.
سادسا: تواصلت مع الزميل الصحفي أحمد بشارة وقال أنه ترك موقع مصر العربية منذ أغسطس 2016 أي منذ ما يزيد عن سنة ، وأضاف : أنا ما أعرفش حاجة عن المكالمة وأنا أصلا صحفي متخصص في الشأن الاقتصادي .. إيه اللي هيدخلني في السياسة؟؟
حاولت عرض المشكلة وردود أطرافها..
ملحوظة أخيرة : الواقعة دي غريبة، مؤسسة بحجم المصري اليوم تعجز عن استرداد موقعها طول هذه المدة، فيه حاجة غلط، الجهة أو الشخص اللي اخترق الموقع عنده قدرات رهيبة، يا ترى مييييين؟؟
السؤال أيضا هو : كيف تسرب التسجيل الصوتي بين الصحفي وحازم عبدالعظيم؟؟
السؤال أيضا هو : كيف تسرب التسجيل الصوتي بين الصحفي وحازم عبدالعظيم؟؟
آخر حاجة : أرجو من أي شخص هينقل البوست أو ينشره في أي حتة يتحرى الدقة في النقل.