كاتوبجي
بعد فضيحة الاستفتاء الذي دشنه احمد موسى حول رغبة المصريين في بقاء السيسي وترشحه، اجرينا هذا السيناريو التخيلي لحوار بين عباس كامل مدير مكتب السيسي وبطل التسريبات الشهير، واحمد موسى
المعروف ان كل الاعلاميين حاليا مجرد اذرع اعلامية تنفذ ما تؤمر به، وان المحرك لهذه الاذرع -وفقا للتسريبات- هو اللواء عباس كامل، لذلك اخترنا اللواء عباس بالاسم، واكتفينا في الحوار المتخيلبذكر اسمه الاول فقط
عباس: ايوة يا بني.. اطلب لى الزفت احمد موسى ع التلفون
صوت هاتف يرن
احمد موسى: ايوة يا فندم السلام عليكم ورحمة الله وبركاته يا فندم
سكرتير عباس: ايوة يا زفت.. سيادة اللواء عايزك
احمد موسى: اديهوني يا فندم وربنا يستر
سكرتير عباس: يستر ازاى على حمار زيك.. ده انت وقعتك سودا
السكرتير: اتفضل يا فندم.. احمد موسى ع التلفون
عباس: ايوة يا زفت انت.. ايه اللي هببته ده يا حمار ؟
احمد موسى: ابدا والله يا فندم.. انا لقيت هوجة الهجوم على سيادة الريس زادت والخونة عايزينه ما يترشحش تاني قولت احاول اعمل حاجة
عباس: حد طلب منك حاجة يا غبي انت
احمد موسى: لا يا فندم
عباس: طيب امال بتتصرف من دماغك يا ليه يا فيلسوف البهايم
احمد موسى: انا قولت يا فندم اعمل حاجة
عباس: انت تعمل اللي نؤمرك بيه بس.. غير كده لا
احمد موسى: حاضر يا فندم
عباس: اوعى تفكر في لحظة من اللحظات اتك تجود من نفسك.. انت افتكرت نفسك صحفي واعلامي بجد ولا ايه؟
احمد موسى لا يا فندم العفو.. انا اللي حركني هو حبي وغيرتي على الرئيس
عباس: انت ماتتحركش غير باوامر مني.. روح ياللا احذف ام الاستفتاء اللي عملته ده.. ولا شوف لك صرفة احسن لك
احمد موسى: حاضر يا فندم.. هاتصرف حالا
عباس: هتعمل ايه يعني؟
احمد موسى: هالغي الاستفتاء
عباس: هتفضل طول عمرك حمار.. لو حذفته الناس هتمسك في الاستفتاء وتقول ان الشعب فعلا مش عايز الرئيس
احمد موسى: طيب اعمل ايه يا فندم
عباس: اعمل زي ما غيرك كان بيعمل.. قول ان الحساب اتهاك
احمد موسى: حاضر اوارمك (مش اوامرك.. الجبان من خوفه اتلخبط) يا فندم
عباس : ياللا غور بسرعة
احمد موسى: حاضر يا فندم.. في رعاية الله.. وارجو ان الريس ميكونش متضايق مني
عباس: غور في داهية ملكش دعوة بالرئيس
احمد موسى: حاضر يا فندم.. مع الف سلامة
ثم بعد ذلك خرج علينا احمد موسى باكذوبة ان حسابه اتهاك من قطريين واتراك.. والبقية كلنا عارفينه
موضوعات ذات صلة: