في 6 أبريل الماضي، كتب أدمن المدونة منشورا (على حسابه الشخصي في فيسبوك)، عن ملامح الفترة الرئاسية الثانية من حكم #السيسي، كانت عبارة عن مجموعة من التوقعات لما سيقوم به السيسي
كان أهم ما جاء في هذه التوقعات، الإطاحة بوزيري الدفاع والداخلية، وهو ما قوبل باستهجان كبير من قبل عدد كبير من الأصدقاء، وللأسف الاستهجان ده تسبب في اننا لا ننشر هذه التوقعات هنا على صفحة المدونة
النهاردة السيسي اطاح فعلا بـ #صدقي_صبحي و #مجدي_عبدالغفار، لكن للأسف أكاونت الأدمن الشخصي تم تعطيله بشكل دائم من قبل إدارة الفيسبوك
في البوست ده هاننشر ما نقدر على تذكره من البوست الاصلي، ونتمنى منكم تناقشونا في التوقعات دي:
السيسي بعد مسرحية انتخابات الرئاسة، سيكون أكثر عنفا وشراسة من الكلب المسعور، وإن حملة الاعتقالات ستتوسع بشكل مرعب"
من ضمن الحاجات اللي توقعها البوست في الفترة الثانية -على ما نتذكر- (تاريخ البوست كان 6 ابريل 2018):
1- تزايد القمع والاعتقالات، وانها ستطال كل من تبقى ممكن يحمل بذرة معارضة للسيسي
2- #سامي_عنان مش هايطلع ولا هو ولا #هشام_جنينة، و #شفيق سيتم معاقبته على محاولة احراج النظام و #الإمارات
3- الخراب المنتظر سيكون بشكل لا يوصف، وان الفترة الجاية هايكون فيه مجاعات بشكل فعلي، وكله بسببا نصياع السيسي كالأعمى خلف #صندوق_النقد وأوامره
4- السيسي عارف ان بقاؤه في المنصب مرتهن برضا اسرائيل، وبالأحرى بنجاح #صفقة_القرن، وفي حالة فشل الصفقة، في رؤساء وزعماء كتير هايطيروا من مناصبهم، اولهم #ترامب و #محمد_بن_سلمان و #نتنياهو واحتمال كبير السيسي، عشان كده السيسي لن يدخر جهدا في انجاح صفقة القرن
5- طيب، ماذا لو فشلت الصفقة -وهو الاحتمال الأكبر- ؟ السيسي هيأمن نفسه عن طريق الاطاحة بكل قادة الجيش اللي لهم تواصل مع #أمريكا، السيسي حريص ومصر انه يكون هو الخط الوحيد الواصل بين مصر وامريكا، او بين الجيش و #البنتاجون، وبالتالي هو عارف ان لو فشلت الصفقة، ممكن يجبر على الرحيل، ولو عاند سيتم الاطاحة به من داخل الجيش، عشان كده السيسي هايصفي كل قيادات الجيش اللي ممكن يشكلوا مصدر تهديد له من خلال تواصلهم مع امريكا، وخصوصا الحرس القديم في #المجلس_العسكري وقيادات الجيش ان جاز التعبير، واخر واحد هايطيره السيسي هو #صدقي_صبحي (سمعنا مؤخرا عن احتجاز #أسامة_عسكر و #أحمد_وصفي، طبعا موضوع انهم بيتحاسبوا بسبب الفساد دي نكتة كبيرة، ومن فيهم مش فاسد)
6- صدقي صبحي مش هايكون هو بس اللي هايطير، هياخد معاه #مجدي_عبدالغفار، و #شيخ_الازهر
7- البعض ممكن يقول ان صدقي وشيخ الازهر محصنين دستوريا، هاقولك اني كنت برضه توقعت -زي غير كتير- ان الضربة الجاية للسيسي هي تغيير #الدستور، وبالتالي حرمان صدقي وشيخ الازهر من التحصين والتمهيد للاطاحة بهم، ومش بعيد وقتها يبدا الاعلام حملة شرسة عليهم
8- من ضمن خوازيق صندوق النقد المتوقعة: بعد التعويم، بيع ما تبقى من القطاع العام، خصخصة قطاعات التعليم والنقل والصحة بشكل نهائي، يعني مش هايكون فيه مستشفيات حكومية تاني، ولا هايكون فيه مدارس حكومية، واسعار القطارات والمترو هاتزداد بشكل مرعب، وان شركات الكهرباء والميه والصرف والمترو والسكة الحديد كل ده هايتباع، وبالتالي المواطن مش هايخد شلن دعم على اي حاجة، وفاتورة الكهرباء اللي كان بيدفعها 50 جنيه مثلا، هاديفعها 350، والمياه كذلك.
9- كمان كتبت ان من ضمن خوازيق الصندوق التخلص من 5 ملايين موظف حكومي، ما يعني زيادة رهيبة في البطالة، وهدم العشوائيات كلها، وظهور فقاعة عقارية في مصر على غرار تركيا
10- تعطيش مصر سيتم بشكل قاسي عبر طريقين: خصخصة شركة المياه (بمعنى اللي معهوش فلوس ملوش مياه) والتاني وده الاخطر هو #سد_النهضة، وخطورة سد النهضة مش بس في انه هايعطش مصر، بل هايكون اداة هاتمكن العدو الصهيوني من التحكم في مصر (السيسي هايطلع يقول لنا ان مصلحة مصر تقتضي اننا نطبع مع اسرائيل بشكل نهائي ومكتمل، بحجة استخدان نفوذها في التاثير على اثيوبيا، ثم بعد كده هايقول لنا محتاجين نطبع معاهم عشان نستفيد من تكنولوجيا تحلية مياه البحر ومعالجة مياه الصرف المتفوقة فيهما #اسرائيل) يعني #إسرائيل بعد ما دمرت الزراعة المصرية وصحة المصريين، وبعد ما ضمنن ولاء قيادات الجيش عبر #كامب_ديفيد، دلوقت هاتجبر الشعب على القبول بها، والا هيموت من العطش
11- أخطر ما في كارثة الخصخصة انها ستطال مؤسسات وشركات أمن قومي، والكلام بوضوح عن قناة السويس (اللي كانت سبب مباشر قديما في احتلال مصر) ومش بعيد كمان السد العالي اللي هيتاثر بقلة المياه في النيل بعد اتمام سد النهضة، وممكن نسمع وقتها كلام من عينة ان السد بعد جفاف النيل اصبح بلا قيمة، وبيعه مكسب لينا
--
ده كل اللي قدرت افتكره من البوست، اللي كتبته في 6 ابريل 2018
#من_الأرشيف_المحذوف
#السيسي_يعدكم_الفقر
#العصيان_هو_الحل
#ثوروا_تصحوا
#يسقط_صندوق_النقد
#الاستقلال_هو_الحل