- باتشيكو هو رجل المباراة كالعادة.. ولو هنختار لاعب أكيد هيكون الفر
- اتنين في الزمالك تستمتع بكورتهم.. ساسي وعبدالغني
- اسامة فيصل كنا نتمنى يلعب بدري شوية
- اسلام جابر تغيير جبر خواطر ومقبول من السير باتشيكو
- محمود علاء اخطاء كارثية كالعادة مش هو اللي يلعب على عبدالغني او الونش.. الونش وعبدالغني الثنائية الافضل
- ابو جبل لسه عنده مشكلة في العرضيات.. اتمنى عواد يظهر في الصورة (لكن المشكلة ان مركز حارس المرمى لا يصلح معاه انك تجرب وترجع لاعب لفورمته وتصبر عليه خاصة ان ابو جبل في العموم كويس)
- اوباما.. العلق الذي احبه.. مستر وش الرجل
- بن شرقي بدأ يرجع مستواه.. يظهر المشكلة كانت في السكسوكة
- إمام عاشور عمل ماتش كويس وكان له دور في استحواذ الزمالك على الملعب والحصول على الـsecond ball
- زيزو محتاج يهدى.. وممكن يريح شوية للعظيم شيكا
اقرأ أيضا: تشجيع الأهلي.. ومتلازمة شيكابالا
- حازم امام متألق.. هيفضل كويس لغاية ما نخسر المثلوثي واحمد عيد مرة واحدة وبعدها هيتصاب كالعادة
- فتوح محدش هينافسه الا شيفو مع حبي لعبدالله جمعة
- طارق حامد.. لاعب فوق مستوى التقييمات
- ساسي.. مسئول البهجة والمتعة في الكرة المصرية.. التجديد له هو أهم ملف في الزمالك حاليا.. وفشل اللجنة المكلفة في التجديد هيكلف الزمالك كتير
- محمد عبدالغني.. مدافع من ريحة البرنس أشرف قاسم
اخيرا.. شيكا.. مسك الختام.. دقايق منك كانت كفيلة انك تخطف الأنظار والأضواء من كل اللاعبين